大熱天的太陽認真毒，每天三十多度的高溫，怪不得太陽帽女生隨街都見。但將所有頭髮撥起的造型，似乎就太無個人風格，不如試試下面介紹的幾個set頭方法，不論長髮或短髮，你都可以創出更獨特的造型變型女！
記者：謝翠玲
攝影：陳細權，楊錦文
髮型示範：Hin&Jacky(IlColpo/28020151）
Model：Emily?Fiona?Hydie?May
Makeup：Cherry&Karen
女星近月都愛上太陽帽，戴法各自各精采，造型不但可愛又夠潮，而且太陽幾猛都唔使怕！
到肩膊左右長度的直髮，如果覺得單單紮起條辮仔再戴帽都覺得悶的話，可以將個頭搞得激啲，將辮仔set成粟米頭會更有動感。而前面的頭髮也可以間歇地夾成粟米頭，但不能夾太多，不然會太累贅。
長鬈髮放散看起來較欺文，如果想造型看起來活潑一點，可以紮一個髻再在側邊加條馬尾，嬌俏得來有點懷舊味道，而紮起的鬆髮看起來會輕盈一點，比較適合夏天。
其實Model未set頭前，頭髮是過肩的直長髮。利用了她的頭髮有層次的特點，後面紮個帶東洋味道的鬆髮髻，便成了清爽短髮，襯太陽帽便最正，玩得簡單但又有心思。
長鬈髮造型彈性比較大，最簡單可將頭髮以捲髮器鬈好便直接放下來，解散時不完全把頭髮弄鬆，看起來便像公仔麵般有彈性，比較有動感。
Steps:全個頭先噴上SettingLotion，然後以電熱髮夾逐小撮將頭髮由髮根開始捲起，定型後不要拆散。所有頭髮都捲好後，先戴上帽，再將部份頭髮挑出，把帽邊遮蓋。頭髮可以略撥鬆但不要散開。
「其實太陽帽本身是很Casual的飾品，所以不需要把髮型弄得太複雜。如果想戴帽後個頭set得有特色，可以把頭髮分成前後兩部份來自由組合，變化可以更多。」