八方之前講過立法會議員劉千石去過泰北探學生，原來佢後嚟重去咗見台北市長馬英九。原因係專門幫貧困泰北人民嘅華欣文教基金同台北市政府，準備喺十一月合辦「泰北攝影展」，阿石係基金主席，所以親自去商量影展細節。
兩位港、台嘅政壇之星，當然惺惺相惜，阿石透露兩人講起香港嘅7.1大遊行，小馬哥同佢講話好佩服五十萬上街嘅香港人，不過之後兩人都冇再多談政治。
阿石身體一向麻麻，佢7.1行足全程，係咪近排健康好咗好多？點知阿石竟然話，遊行前一日佢覺得唔舒服，重喺屋企暈低，十幾分鐘之後先醒。所以阿石話，7.1行得咁生猛，重可以嗌埋咪，唔單止要多謝五十萬熱情嘅市民，更加要多謝主。
（圖）劉千石（右）去咗台北同市長馬英九見面，兩人講起香港嘅7.1大遊行。
傳真︰2623-9278
電郵︰