七月二十九日係超人李嘉誠七十五歲「牛一」，超人有乜慶祝活動，八方要等待探子回報；但當年李嘉誠嘅頭馬、和記黃埔前大班馬世民噚日就接受外電訪問，先同舊老闆兼老朋友拜壽。
「賣橙」一役係李嘉誠引以為傲之作，但馬世民認為超人𠵱家嘅注意力，已集中在第三代流動電話（3G）業務，「佢好希望這門生意能成功，因為面子攸關。」
馬世民眼中，李嘉誠處事果斷、注重聲譽、令人望而生畏，但卻不失幽默感。「他行動迅速，因為他幸運地擁有很好的判斷力。他最大的優點就是，決斷正確」。
對於年過七十嘅李嘉誠，雖有超人美譽，但市場一直揣測佢何時退休；馬世民認為，李嘉誠只要仍然行得走得，都會繼續現在嘅生活方式，繼續打高爾夫球、繼續參與集團業務。
馬世民希望李嘉誠（圖）搞得掂3G呢單大生意。
傳真︰2623-9278
電郵︰