對於貪玩多過貪吃的小朋友來說，賣相從來都是吸引食慾的關鍵。Janny也深明此道，故經常整色整水，自度簡單而討好的菜式，以吸引才兩歲囡囡鈿鈿的食慾。
以下兩款食品分別加入豬肉鬆和大橙，合晒細路仔口味，亦適合親子齊齊做。
記者：吳佩璇攝影：陳陶鈞
Janny自小愛入廚，從報章、雜誌剪下的食譜剪報，足足有成5、6吋厚！她又曾經拜師學整餅，而婚後連下廚材料都就着老公阿Dick嘅口味。好似阿Dick不愛吃有骨的東西，她就連雞翼也去埋骨才煮。不過，自從囡囡出世後，嘿嘿，老公的地位終於不保了！Janny話：「鈿鈿好調皮，顧住玩唔食飯。於是我就成日煮啲BB餸嚟吸引佢。」所謂的BB餸，就係小飯糰之類。Janny見鈿鈿每餐只吃3碗飯，於是便用得意的飯糰模具來做小飯糰，並乘機混入一些鈿鈿不愛吃如魚之類的有益食物。
由於鈿鈿有輕微便秘問題，又不愛飲水，Janny便絞盡腦汁讓她多吸收纖維。有一次食自助餐，Janny看到一個利用挖空了的橙來盛載食物的菜式，於是靈機一觸，以高纖的橙來做啫喱杯給囡囡吃。Janny在挖空橙肉時，順便榨埋橙汁，並將橙汁跟啫喱粉一併混和，然後在啫喱橙杯上放上芒果。芸芸生果中，唯獨火龍果是鈿鈿不會獨立吃的，Janny便特意在啫喱橙杯上放入這種生果：「火龍果高纖又夠正氣，同埋我都想培養個女唔揀飲擇食。」
用咩料：
大橙2個、啫喱粉半盒、芒果1個、火龍果（切粒，或用其他喜歡的生果）適量
好易做：
1.切去橙頭（讓橙可以坐穩），另一端則切去約5個橙，然後榨橙汁。
豬肉鬆是鈿鈿最愛的零食，於是Janny便將平日食開的瘦肉蒸豆腐改良，做出這道更合細路仔口胃的菜式來。未生女前，Janny都是用瘦肉絲、草菇絲，再撒葱花及煮瘦肉汁來蒸豆腐，但現在這個簡化版本，只需直接將零食豬肉鬆撒在蒸好了的豆腐上便成，夠晒方便快捷！至於撒肉鬆的工夫，往往由鈿鈿包辦，她總是邊撒邊偷食，而Janny的一番苦心，都是想囡囡多吃原本清清淡淡的豆腐。
用咩料：
蒸煮豆腐1盒（大）、豬肉鬆1包（34g）、葱1棵、甜豉油（或煲仔飯豉油）3湯匙、橄欖油少許
好易做：
1.為求進一步增加小朋友食慾，Janny用模具將豆腐蓋出星星形狀。亦可直接將豆腐切成小件。
2.清蒸1分鐘。