COMMECASTORE為日本著名大型百貨商店，去年底喺沙田開設其亞洲區首間旗艦店，當時十分哄動。而COMMECASTORE每年會有兩次減價，今年夏季減價大行動更與日本總店同步進行，減價的幅度比日本還要大。由今日起至7月31日，所有貨品將會減至半價發售（MONOCOMMECA除外），精選貨品更低至四折，崇尚日本貸及追求潮流文化的你，有空的話不妨去逛逛。
記者：梁煒健 攝影：伍慶泉
Model：Linda、Ophelia（KOne）
逢星期四出版
講真，減價幅度唔算大，不過MONOCOMMECA喺日本有不少捧場客，又是今季日本大熱的Trendy款，諗真啲，百幾蚊可以買得到都算抵！以帆布、尼龍作為質料，最受潮人歡迎。有3款4色，紅、米、灰及黑色任你揀。
（左）尺寸：10吋闊×7吋高×6吋深
原價：$210 特價：$147
（右）尺寸：12吋闊×12吋高×5.5吋深
原價：$190 特價：$133
雖然唔係MONOCOMMECA嘅手挽袋，但因屬今季新款，所以一樣大有捧場客。款式靚唔靚見仁見智，但間隔多就夠晒實用，平日揹返工又或假日去街Shopping都啱用。顏色方面有紅、米、灰及黑色以供選擇。
尺寸：15.5吋闊×11吋高×6吋深
原價：$330 特價：$231
行勻全場，發覺最特別、最得意嘅就係呢件COMMECAWALK雨衣。不過呢件雨衣唔啱人着，而係專門設計畀狗仔着嘅雨褸。雨褸選用至Sharp嘅紅色，狗仔着上身好鬼醒神。由於係用DupontTelfon料，絕對滴水不漏，就算遇到落雨天，都可以帶狗仔出街散步喇！
原價：$360 特價：$180
今年勁Hit閃令令嘅化妝品，不論指甲油或唇彩，總之夠閃，少女就會勁冧。呢啲化妝品由日本MONOCOMMECAKIDS出品，聽售貨員講喺日本賣得唔錯，受年輕的少女歡迎。今次減價就有唇彩、指甲油及眼影，顏色又多又齊，家陣半價十幾蚊就有一支，夠晒經濟！
唇彩（上）
原價：$22 特價：$11
指甲油（中）
原價：$18 特價：$9
眼影（下）
原價：$22 特價：$11
日本COMMECAISM嘅BB衫雖然售價略高，但因質料靚，所以一直有唔少媽咪捧場。這些適合初生至2歲BB穿着的蛤乸衣，橫間條紋夠簡約，顏色有藍白、黑白及紅白間條。全套蛤乸衣以棉布料縫製而成，摸落手十分軟熟，保暖程度亦唔錯，可惜是長袖款式，在炎炎夏日未必啱着。
原價：$340 每套特價：$170
BB女泳衣好Cute！
「我嘅BB女會喺10月出世，𠵱家係時候買定啲衫畀囡囡。呢度啲衫仔原價都幾貴，如果有半價就好抵！BB女泳衣好Cute，我會買定幾套。」
我會揀日本線衫！
「好少日本名店有大減價，我會揀幾件線衫，日本貨嚟講真係幾平，另外$11支唇彩亦好抵買。」
由T-COMMECA出品嘅T恤，是全場最繽紛的衫款。T恤前面冇圖案又無任何英文字，睇落平凡單調。不過將衫一反轉，就完全不同，除布滿英文字外，顏色配搭亦搶眼奪目，尺碼齊全，男女都啱着。
原價：$130 特價：$65
炎炎夏日，最好穿着運動裝束出街，如T恤、Track褲就是最佳配搭。場中有不少立體圖案Tee，簡約舒適；而尼龍料嘅跑步褲就夠晒爽，有齊男女Size，最好襯埋一套情侶裝。另外場內亦有漁夫帽減價，最好執齊一套去郊外。
漁夫帽原價：$290 特價：$145
立體T恤原價：$210 特價：$105
跑步褲原價：$390 特價：$195
又到打風旺季，係時候預備件防水風褸喇！COMMECAWALK品牌嘅風褸，有紅、灰及黑三色，褸前有一個開口袋，放嘢最方便。選用Telfon料，既通爽又防水。因是熱賣貨色之一，Size唔係好齊，只剩大碼及加大碼的貨量較多。
原價：$510 特價：$255
COMMECASTORE（26979700）
地址：沙田新城市廣場1期343,357A?58號舖
減價日期：即日起至7月31日