梁佩瑚近日瘦身成功，她最滿意其二十四吋的纖腰，又表示圈外男友Eric從不干涉她的穿衣自由。梁佩瑚的新書推出在即，題材大談失戀的止痛方法，她自言每次失戀都可以理性地面對，並不主張跟舊愛拖拖拉拉。
梁佩瑚早前因為暴肥而被誤會未婚懷孕，她近日得到皇室纖形邀請做代言人，自稱減了十八磅的贅肉，頓時回復自信心。
梁佩瑚表示現時的腰圍只有二十四吋，是她最滿意的部份，她昨日在電話中說：「其實我一直手手腳腳都唔肥，只係肥晒喺腰度，𠵱家減咗啲豬腩肉就瘦番晒，我可以揀多啲短裙着。」
在纖體廣告中，梁佩瑚除了穿上三點式泳衣外，還穿了一條吊帶低胸裙，並擺了不少有型甫士，她說：「我覺得影呢輯相時，我只係做番自己，因為平時我玩滑水都會着三點式泳衣，我只係喺鏡頭前表現自然嘅一面，反而叫我擺啲誘人甫士重難。」梁佩瑚表示圈外男友Eric亦很支持她接拍這個纖體廣告。
近年梁佩瑚專心在香港大學進修法律學位課程，她說：「我啱啱考完試，下個月就會有成績，及格嘅話就要再考牌先可以做律師。」梁佩瑚的新書《愛情止痛藥》將在下月書展推出，她說：「我過往嘅失戀經驗，分手嘅原因都一定係性格唔夾，所以我係好理智，唔會同對方糾纏。」
採訪：比華利
