郭晉安、許志安及黃耀明等人，前日齊到觀塘為汪明荃即將舉行的演唱會綵排，阿姐一見各人到場即送上大利是一封，祈求演出順利。許志安接到利是時笑說：「我同阿姐好老友㗎！佢畀利是我一定好嘅，因為有我阿安喺度。」
而郭晉安聽到安仔此言，即說：「有我哋雙安喺度一定冇事，因為相安無事呀！」
此外，林子祥昨日接受商台電話訪問時，聲音沙啞，他說：「我都唔知點解，或者中藥溝西藥乜都嚟，所以把聲怪怪哋，隻耳重係唔係好掂，我𠵱家連針灸都試埋。」
阿Lam又表示必會出席支持阿姐明晚的演唱會，他說：「我呢個半月都未開過聲，我諗我一定會去，去同佢傾吓偈，同多謝吓啲人，不過唱歌我就未有把握住啦！」
採訪：李珮洳