「同咁多市民一齊係榮幸」

這個醫生不太冷！繼7.1大遊行後，本身為私家醫生的醫療政策評議會會長郭家麒昨晚參與了7.9集會，與五萬市民一起編寫歷史。「連我哋做醫生嘅都打破沉默，就係希望帶動其他專業人士，都出嚟反映自己嘅心聲！」這位有一副孩子臉的醫生感動地說：「可以同咁多市民一齊，係我嘅榮幸！」
郭醫生昨晚完成工作後即趕往中環，但因人太多，一度未能擠進早已爆滿的遮打花園會場，幸好數名市民發現他後即高呼：「佢係郭醫生呀，畀佢入去啦！」對於成為「城中名人」，郭醫生一臉腼腆：「我只係盡自己能力，不過，呢幾日嚟睇我嘅病人，都話支持我！」

「做醫生都可推動民主」
過去數天，他的心情和許多香港人一樣，如過山車般大上大落：「喺電視見到董建華初初回應五十萬人上街嘅言論，個心真係一沉！後來，見到田北俊話辭職，政府押後審議，令我感覺到人民嘅力量！」他邊說邊指向正揮動螢光棒的人群：「今晚咁多人嚟，令我好感動！」
既然得到市民的支持，何不順勢從政？「我冇諗過喎，我唔係咁啱政治，其實做醫生都可以推動民主㗎！我今晚嚟係提醒市民，呢個政府根本唔係聽民意，只係被迫就範，所以要繼續爭取。」這位仁醫，不只醫治人的身軀，還給予人心靈上的治療。「最高興係，有病人話因為聽咗我講嘅嘢，覺得應該為自己同下一代做番啲嘢，所以去咗7.1遊行。」