昨日，我哋《車天車地》版作全球同步報道，響香港作實地測試嘅新款寶馬530iA，據知外間反應不俗，重有唔少車迷致電代理查詢詳情㖭！及後，小記追訪過有關方面，得悉部新一代寶馬5系，代理暫時僅供受邀請嘅VIP客人預覽，並且有專人帶領前往位處土瓜灣總部大樓內，預設嘅展覽室參觀㖭！據知，全新5系會響九月正式在港隆重登場，並且會有個大型車展㗎！有興趣嘅車迷，記得屆時去睇吓喇！聽聞稍後抵港嘅新5系，包裝設備跟Demo車相若，惟嶄新ActiveSteering（AFS）、可調校角度嘅AdaptiveHeadlights，以及一套取材自7系嘅DynamicDriveActiveSuspension屬附加設備，若然一班準買家有興趣的話，重可以額外添置㗎！