做政治人物嘅老婆肯定唔容易。好似民主黨黨魁楊森太座Irene咁，佢就為楊森擔驚受怕大半年，重唔知為23條喊咗幾多場。
話說田少上周五由北京返港帶來好消息，就係中央就《基本法》23條立法並冇時限，個晚Irene開心咗一晚。第二日峯迴路轉，老董捉住田少要佢轉軚，一於數夠票就夾硬去，Irene話，佢真係忍唔住大聲喊咗出嚟。
幸好皇天不負香港人，田少喺最緊急關頭，寧願不做行會，堅持押後二讀，當晚楊森一家大細喺屋企，一聽到呢個好消息都開心到不得了。
八方打電話搵楊森，佢正忙於接受記者訪問。Irene攞住個電話筒，笑得好甜，佢不停話好開心，「呢個係人民嘅力量，真係多謝天主。」
（圖）楊森太座Irene為23條不知喊過幾多場，好彩結局都係破涕為笑。
資料圖片
傳真︰2623-9278
電郵︰