古天樂近日推出全新唱片《MR.COOL》，之前已出過三張大碟的他，坦言過往自已甚少唱live，因而遇過不少甩嘴及咪嘴時跳碟的尷尬事，古仔表示今後會更加努力，但希望歌迷可以給他多一點時間，因為他自己亦十分希望可以唱live。
古天樂自成為歌手後，一向甚少唱現場，日前他接受now.com.hk訪問時，表示正在努力練習。加上新推出的《MR.COOL》大碟，總共出過四張唱片的古仔說：「我咪嘴試過咪到甩晒嘴，又試過咪嘴時跳碟，我希望以後可以唱多啲live，不過唱歌唔係一朝一夕嘅事，始終我唱歌日子唔耐，希望大家畀啲時間我，我會爭取機會去唱好自己嘅歌。」
古仔又透露自己的夢想是成為時裝設計師，他說：「我想做時裝設計師，當然希望有機會可以實現呢個夢想，不過𠵱家對我嚟講暫時都重係夢想會好啲。
「好多人問我最鍾意自己面部或者身體邊一部份，其實我真係冇特別鍾意，勉強要揀嘅，我鍾意自己把口，因為唔太多嘢講，對住朋友都唔係好講自己嘅嘢，所以喺朋友心目中，我係聆聽者多啲。平日我鍾意喺房聽吓歌、睇吓戲，得閒就同屋企人去旅行，或者同隻狗玩，咁嘅生活可以話係枯燥，但亦係我嚮往嘅生活。」
另一方面，古天樂早前到塞班島拍攝唱片封套的花絮，近日收錄在now.com.hk播映的《古天樂唱片之旅》節目內，他表示自己一向喜歡陽光與海灘，不過因他的膚色已黑到某個指標，就算再曬也不會更黑。
在塞班島期間，古仔自言曾目睹兩名塞班人打交，但轉頭又見二人攬頭攬頸一起飲啤酒。古仔說：「香港人壓力好大，乜嘢都擺喺心度，但係塞班人發洩完就可以做番朋友，冇乜憎恨之心，見到佢哋打交，我都好擔心，但對佢哋嚟講只係家常便飯。」
撰文：張止寒
