昨天沒有出現白衣人逼爆中環的奇景，今天報紙頭版沒有人山人海。事前朋友連睇戲旅行甚至結婚考牌動手術，都擱置下來，靜心等候七九後的「變數」才作跟進部署。廿三條押後二讀，政府與廣大群眾抓緊良機，喘息一下，除掉酷熱高溫警告，頭腦冷靜過來，重新上路。
市民搵食為先，政治角力，素不在行。對政府的怨氣，並非深仇大恨，以幽默心態視之，其實不難消解。友儕間阿Q式自娛，互相打賭七九有幾多人「閒遊」或到立法會外「行街」，已屬吹水過氣賭注。但阿Q不信邪，又再押注，估吓到底董班子有冇人步田少後塵請辭。
「冇呢個考慮！」董特首回應記者提出保安局長需否引咎辭職時，表情僵硬語甚兇猛。炒魷動作，不會出籠。但係落台這回事，不以個人意志為轉移，董特首力撐幾個瀆職局長，引起莫大民憤，局長們就算臉皮再厚，很難在偽強勢政權中擔大旗，為董班子護航，只會自招更多柴台。團結核心已然解體，董家班像一隻過度炒賣的仙股，如今被質殘，打回仙都唔仙的原形，等同廢紙。董不是炒家，老本行是船務，他的導航能力，六年來有辦你睇。香港這條洋船朝冰山方向急行，田少跳船示警，董船長不理；陸陸續續有局長跳船，就不能不理。巨輪轉舵，為時未晚也。