泰國
泰文「咪並厲」maipenrai意思即Nevermind唔緊要，亦係清邁人嘅生活態度。當香港人每天都喺度爭上位、爭飯食之際，他們卻樂天知命，優哉游哉，過自己喜歡嘅生活，搵錢少？NeverMind！
文、圖：胡慧冲
逢星期一至日出版
以前最精采嘅變性人歌舞騷要喺曼谷、芭堤雅至有，𠵱家就連清邁都睇到，呢個叫SimonChiangMaiCarbaretShow投資很大很新，主角們亦較美豔，Ning便是台柱之一。佢坦言屋企人接受唔到佢，惟有離開家園，過屬於自己嘅生活，幸而手術成功，靚過唔少姊妹，加上佢鍾意表演，所以一年前知道有投資者來開歌舞劇院時，就第一時間應徵。佢每晚喺舞台上盡展所長，博取觀眾掌聲，只想證明給家人知道變性都係人，也會努力工作。即使依然有觀眾以不屑的態度對佢評頭品足，Ning卻不以為然：「路係我自己揀嘅，人哋點睇我唔會理，Nevermind！」
電話：（66）53-490320
網址：
每個人都會有自己嘅夢想，即使明知好夢難圓，但都要去追求，就像我想學飛一樣。不過我好好彩，今次去清邁就有機會夢想成真。ChiangMaiSkyAdventure提供多款小型飛機畀人遨遊天際，15分鐘1,500baht，30分鐘2,600baht。雖然𠵱家正值雨季，但清邁嘅天空依然咁靚咁清。未夠激？佢哋重有一種全泰國只有呢度至有嘅個人飛行器（Paramotor），孭喺我背脊嘅大摩打成30kg咁重，要練習3至4日至可以玩，1,500baht，有咗佢就能更自由自在地飛。就算只有一天，我也不介意。
網址：
電話：（66）1-9525300
人與人相處其實係一門好高深嘅學問，所以有人寧願選擇與動物做朋友，正如Yut。Yut係全清邁市最大象園MaseaElephantCamp嘅騎象人，每天早上他都會喺象園指導大象表演，佢話啲大象好友善又無機心，一直以嚟大家嘅關係都好好，而佢選擇唔喺城市打工，係因為外間有很多人際關係要處理，喺呢度就只需處理三數頭大象，晨早帶佢哋散吓步，做吓表演，唔使煩，但人工不多喎！「Idon'tmind，搵得錢多但唔開心，我寧願搵少啲！」
電話：（66）53-206247
網址：
清邁市的BanTawai係一個著名嘅木器製品村，成條村嘅木製工藝品，全由當地人自己一手做成，然後以工廠價發售，好似Daery咁，佢嘅工作就係每日不斷髹髹髹，將一啲瀝架與顏色髹上去。髹多，賣多，收入就多啲；髹少，賣少，收入就自然少。對於佢嚟講，搵錢少唔緊要，最重要係有細藝，以及令呢條木器村更廣為人知。正如佢所講，每日見到一車車遊客專誠嚟掃貨，佢就已經好開心！
地址：BanTawai,AHanydong,Chiangmai5230
提起清邁你會諗起乜嘢？雙龍寺、少數民族、排排坐嘅泰北餐？今時今日清邁最興係做Spa。
Kanya係清邁JirungHeatlhResort嘅按摩師，呢間Spa類似華欣嘅ChinaSom，有得住，有營養餐食，更有度身訂做嘅Treatment，傳媒到訪需要「人辦」，Kanya自告奮勇，落水示範，「見到自己工作嘅地方冇乜人識，好可惜。所以今次有傳媒到訪，難得有機會可以幫公司宣傳，當然會好好珍惜呢個機會，加上一世人難得做Model，所以尷尬少少都無問題啦！」
電話：（66）53-861511
簽證： 持BNO護照及特區護照均毋須簽證。查詢：25216481（泰國領事館）
套餐： 乘泰航飛清邁住宿ImperialMaePingHotel4日3夜$2,590。查詢：27700966（奧運旅行社）
網頁：
貨幣： 1港元兌5泰銖
鳴謝：泰國政府旅遊局（香港辦事處）、泰國航空公司