「同周生咁耐乜都攞唔到」
張東琳譏楊恭如好可憐

日前張東琳批評楊恭如急於與正被內地扣查的周正毅劃清界線，是不講義氣及愚蠢的行為。昨日在北京出席開鏡儀式的楊恭如，對此不但反應冷淡，更指張被人利用及為人天真。而張東琳則再次還擊楊恭如，指他與周正毅相處多時，竟甚麼也得不到。

上海富商周正毅被內地扣查後，身為紅顏知己的楊恭如隨即與他劃清界線。周正毅太太毛玉萍的契妹張東琳，日前接受周刊訪問時，大罵楊恭如沒有義氣，她說：「我好憎佢（楊恭如），咁嘅人都有，我覺得佢好蠢，如果叻嘅，根本唔使成個八×咁。我唔知佢同周生係咪男女朋友關係，就算係都唔需要咁高調。」

楊：「實在太天真」
楊恭如昨日與曾志偉、黃百鳴在北京一間卡拉OK出席電影《非典人生》開鏡禮時，對於張東琳批評她不講義氣，楊恭如笑說：「係咩！我淨係覺得佢（張東琳）俾人利用，實在太天真，我同佢唔熟，不過大家同埋喺一個圈，只係佢知我係邊個，我知佢係邊個。」
有報道指楊恭如沒有周正毅這大靠山後，變得十分節儉，不但考慮搬屋，出入更改乘的士代步。

張：「咩朋友嚟㗎」
對此楊恭如帶點不耐煩地說：「我冇搬，出年就唔知。哈！搭的士都話慳？咁如果我搭巴士、小巴，咪即係破產，真係不知所謂，呢啲咁嘅報道鍾意點寫咪點寫囉！總之有關佢（周正毅）嘅事我唔想再回應。」
昨日記者致電給張東琳，她再揶揄楊恭如說：「我同楊恭如都係亞視出身，所以一早就認識嘅，但同佢就冇咁得閒做friend，我聽講佢啲感情好豐富，其實我覺得佢幾可憐，同周生咁耐乜都攞唔到，𠵱家重要同周生劃清界線，咩朋友嚟㗎。」
記者陳梅香、陳偉權北京直擊