田北俊辭去行會議員職務觸發政治風暴，震動董建華管治威信，親北京挺董人士對他口誅筆伐，批評他無義氣、反骨、出賣特首，董建華也因此怒罵了田北俊一頓。但田北俊卻直言，自己所做一切其實只是想為董「拆炸彈」：「我覺得𠵱家挺佢（董建華），即係害咗佢！」 記者：莫劍弦
【本報訊】自由黨主席田北俊四日前辭去行政會議成員一職，成功迫使特首董建華押後23條立法。雖然贏得社會不少掌聲，但田北俊承認，自由黨在今次事件中是「輸家」，董建華更大罵他一場。田說：「佢嬲我點解咁遲通知佢、點解要辭職、點解唔聽佢電話，等佢冇得『掹』！」但他堅持自由黨今次為政府及北京「拆咗一個炸彈」，「等第日條法例（23條）過咗，市民開心，政府開心，中央又開心，再修補關係喇！」
田北俊辭職後，政界對他今次舉動有不少猜測，包括他曾威脅特首、掙政治本錢，甚至說他為未來競逐特首鋪路。田北俊昨日與記者見面，一一揭開今次事件背後多個不為人知的謎團。其中最關鍵的，是為何他不顧行會決定、不惜力排眾議，甚至押上政治前途，也要押後23條立法。
他回想7.1當日，看到五十萬港人上街，當時已覺得政府應該要押後立法。可是當七月二日他與特首董建華見面時，卻隱約感到「押後立法並唔係政府考慮之內」。所以他隨即北上，向中央反映意見；當時特首並無反對他北上。
對於外界指他訪京返港後，「假傳聖旨」，公開宣布支持押後立法，田北俊對這個說法頗不以為然：「若果我真係假傳聖旨，董生就唔會提出三個修訂，件事唔會好似𠵱家咁啦！」田北俊承認，政府提出三項修訂，他事前並不知情。在上周六行政會議上，他也沒有表示會支持，特首認為有足夠支持票，是「一廂情願」：「我冇表示過支持嗰三個修訂，你嗰時問我支唔支持，我可以講乜？又未同自由黨傾過，通過咗係咪五十萬人就滿意先？我咪至多講啲模稜兩可嘅答案。話可以夠票過，係佢（政府）一廂情願諗法！」
眼看爭取押後立法已經時間無多，田北俊隨即在周日與自由黨核心召開會議，當時他們一致支持押後立法，但對田北俊應否辭去行會成員，卻發生激烈爭拗：「佢哋（自由黨立法會議員）認為我唔使辭職，佢哋投反對票就得，但係我接受唔到。」黨友認為田應該「珍惜行政會議職位，市民要鬧就鬧自由黨。」最後田北俊決定自己考慮是否辭職，他也沒有諮詢任何人，包括商界支持者意見：「既然係咁，不如等我自己諗！」
到周日下午六時，自由黨決定堅持押後，他也下定決心辭職。田北俊形容這個決定「唔一定係『出此下策』，但可能係『唯一一策』。」為了不想再令特區政府再「磨」下去，他決定用快刀斬亂麻方式，一方面由自由黨成員通知特首，他則關掉手機，不接聽特首電話，「唔想佢一陣又叫我諗吓喇、再傾吓喇！」
直到晚上自由黨發出新聞稿，一切大局已定，他才打電話給董建華，結果董在電話中大罵他不肯聽電話，辭職又不和他先商量，令事情發展到「冇得掹」地步，之後至今，董再沒有和他通電話。田北俊承認董建華生他的氣，但他仍堅持自己所做一切，其實是為特首好：「我覺得𠵱家挺佢，即係害咗佢，我挺你，今日7.9可能有更多人嚟集會！」
回首過去幾日發生的一切，田北俊認為自由黨是「輸家」：「連行政會議都冇埋，重唔係輸家？」可幸，不少商界人士支持他的決定，認為他為特區拆了一個炸彈，對於自由黨未來政治前途，田北俊認為要「睇耐啲」：「有時呢啲嘢，唔係睇一、兩日，係要睇耐啲，我哋（自由黨）判斷係咪啱，唔使好耐就睇到！」