食生蠔要食得有mood有氣派，通常都離不開大酒店或私人會所。但世事無絕對，香港就是一處可以用平民價錢，都一樣能品嘗到不同美食的大都會。12蚊有超過18款的各地生蠔任你揀，認真值得一試！
記者：何善華 攝影：周旭文
採訪當日餐廳正準備晚餐的活動，查問下原來是名室內設計師高文安包場設宴，各職員均整裝待發，預備該晚的場地布置及安排。這間開業近4個月，以地中海作為餐廳布景的確很有南歐的風土情懷，即使置身於餐廳室內，仍能感受一種高尚豪邁的氣派，難怪城中不少知名人士均會到這間餐廳「包場」，款宴各方好友。
負責人Moon表示，餐廳的生蠔來源地超過5個國家，因為不同地區的水域氣候相異，令生蠔的形狀，甚至味道、口感都有不同。正因如此，Moon認為食生蠔的背後都有其學問，嘗生蠔時最好由較淡味清甜的日本生蠔開始，繼而再進化至濃味的生蠔，如愛爾蘭嘅IrishRock。懂得食生蠔的理論，才能真正品嘗生蠔的至高境界。
「12蚊一隻生蠔可以話係成本價，要賺到嘅錢唔係好多，餐廳希望以12蚊生蠔作噱頭，向一些不太懂食蠔的顧客，灌輸一些正確品嘗生蠔的最佳方法和步驟。」Moon對食生蠔要求高的同時，亦希望來幫襯的食客都可以在享用美食之餘，領教生蠔的「食法基本功」。
以下是來自「五湖四海」的各地生蠔，形狀不一，味道濃淡極端，但勝在各有特色，唔好講咁多，試過至知邊隻勁！
生蠔食法有好多種。根據「先淡後濃」嘅食蠔原則，如果中蠔和細蠔同時上碟，可先選中蠔品嘗，因為細蠔的肉比較肥美，而在品嘗生蠔嘅時候，最好唔好蘸上任何醬料，才能食到蠔本身嘅鮮味。對一班食唔慣冇落醬嘅食客，可以考慮塗上「酸醬」或淨係放魚露落去，以帶出蠔嘅鮮味。
後記：
採訪接近尾聲時，發現有另一隊crew到餐廳拍攝，原來是電台DJKawaii及石修兒子陳宇琛到場取景拍特輯，可見餐廳的格局有番咁上下。餐廳情調浪漫亦是情侶共進晚餐的不二之選。
DarlingHarbour
地址：灣仔軒尼詩道8-12號中港大廈地庫
電話：25299032
營業時間：12:00nn-2:30pm,6:00pm-12:00mn