「屋企有電腦，我同哥哥以後就唔使喺學校留堂做電腦功課。」阿芳十歲幼女美美語帶喜悅地說。
三十六歲的阿芳，早前與丈夫離婚後，倚靠微薄的綜援金維持家計，生活捉襟見肘，更遑論買一部電腦讓長子健仔與幼女美美在家中學習。阿芳原從事家務助理，近年飽受腰骨傷患折騰，苦不堪言，唯一令她感到安慰的是子女好學、學業成績理想。
「我以前經常因為彎低身做家務同搬嘢，唔小心整傷腰骨，搞到呢兩年成日腰骨痛得好犀利，返唔到工，有時連行多幾步路都唔得。好在健仔同美美唔使我操心，佢哋好乖好畀心機讀書，美美重每次考試都考到前五名，令我好安樂。」健仔兄妹現分別就讀小學六年及四年級，他們像大部份學童一樣，對電腦應用深感興趣。
本報月前報道阿芳兩名子女盼有電腦在家中學習的心願後，接獲合共八千五百元的讀者捐款。記者近日已將捐款悉數轉交阿芳簽收，令孤苦三口非常雀躍。「對仔女成日問我幾時可以買部電腦畀佢哋學習，𠵱家收到咁多讀者捐款，我終於可以買部電腦，達成兩個仔女恨咗好耐嘅願望喇！」阿芳欣然表示。
捐款編號﹕C0887
暖流熱線
電話:29908688
傳真:23702192
電郵:
網址：