二十一歲的陳家豪，患有嚴重的肌肉萎縮症，要長期依賴呼吸機續命，但憑着驚人的意志力，他在今年高級程度會考中仍然獲得不俗的成績。打算繼續升學的家豪，因雙親失業，目前缺錢負擔一筆呼吸機的保養及維修費用，另亦無力更換電動輪椅的零件，急待援手。
家豪就讀於特殊學校紅十字會甘迺迪中心，他是該校七名高考生之一，亦是身體最弱的一位，但仍考得全科及格的成績。「呢個成績自己都算滿意，我希望可以入讀城市大學嘅公共及社會行政學系，因為一路以嚟都好多人幫我，希望第時我可以幫番其他人。」揹着呼吸機，氣若游絲的家豪對記者說。
對於兒子堅毅不屈的求學精神，家豪父母感到既安慰又驕傲。「呢個仔係好堅強，好有理想嘅，如果佢讀到大學，我哋一定支持佢，不過，家豪身體愈來愈差，返學好大陣仗，我哋一定要幫佢整妥部電動輪椅、搞掂部呼吸機先放心，𠵱家就係煩緊呢筆錢。」五十九歲的陳父歎道。
家豪是家中的幼子，出生的時候並沒有異樣，直至八歲那年，因為經常無故跌倒，四肢乏力，父母帶他四出求診時才證實患有杜興氏肌肉營養不良症（DuchenneMuscularDystrophy，DMD），屬肌肉萎縮症的一種。這些年來，家豪每吋身體也被蠶食萎縮，目前已陷於全身癱瘓，且要長期借助呼吸機來維持正常呼吸。瘦骨嶙峋的家豪對記者表示：「冇咗部呼吸機、冇咗部輪椅，我生存唔到。」
由於陳家家境清貧，家豪現時使用的醫療及復康器材全賴撒瑪利亞基金撥款資助購買，但保養及維修費用則要他們自行承擔，單是這方面的支出已很大。陳父指出：「淨係呼吸機嘅保養費一年已經要九千蚊，另外，佢部電動輪椅又要換腳踏，大約要五千蚊，重未計其他濕濕碎碎嘅零件費，我哋真係好吃力。」
一頭灰髮的陳父，一直靠當熟食小販來養妻活兒，現已失業數月，一家的生活現靠兩名已出嫁的女兒接濟。「老實講，兩個女自己都有一頭家，真係幫唔到幾多，有乜事都係要我兩老自己諗辦法。」
蘋果日報慈善基金有見家豪勤奮向學，亦了解其急切需要，即時撥款一萬五千元紓緩他在復康醫療用品方面的開支。
捐款編號：C1019
暖流熱線
電話:29908688
傳真:23702192
電郵:
網址：