八方以前講過，馬丁獨生子Joey七月大學畢業，馬丁因為要砌23條，飛唔到去英國曼徹斯特睇佢行畢業禮，Joey當然唔開心，重一度話自己都唔參加典禮。
Joey後來返港，7.1重去咗遊行，見到五十萬人上街，真正體會到老竇咁辛苦為乜，同埋知道大件事。點知事件峯迴路轉，田少辭職之後，星期一凌晨老董突然出稿，話押後立法。八方有老友即刻通知馬丁，點知佢瞓緊覺，Joey聽電話知道之後，高呼「萬歲」，立即好開心叫醒老竇，因老竇終於可以見到佢畢業！
Joey同媽咪前晚已經立即起程，飛去曼城，馬丁噚日開咗一陣立法會，夜晚都連夜飛走，啱啱趕得切出席今日嘅畢業禮。
傳真︰2623-9278
電郵︰