五萬人鬧哄哄喺立法會外集會，前任政務司司長陳方安生同丈夫陳棣榮，就去會展睇《未來戰士3殲滅者TX》慈善首映。着上黑色透視裝嘅陳太話唔記得自己7.1做過乜，但「我屋企都有人參加遊行，我細佬同我個女都有參加。」
講到近期市民對董建華嘅不滿，佢就話：「所有市民都歡迎特區政府押後立法，相信特區政府係有誠意，希望下一個立法年度盡早達成共識啦。」但一問到葉太宣傳23條嘅手法，陳太就唔回應，轉身入場。
陳生就鬼咁風騷，話自己7.1冇上街，「我冇政治意識㗎，所以我今晚嚟睇戲。」有個搞政治嘅老婆，都話唔識政治，搵鬼信咩！
黃文成攝
傳真︰2623-9278
電郵︰