演藝界的張堅庭、陳嘉上、張同祖、劉天蘭、岑建勳、吳君如和男友陳可辛，以及周星馳母親等，昨晚均出席了在中環立法會外「反對23．還政於民」的集會。
張堅庭帶同九歲兒子到場，兩父子一同感受民主氣氛。張堅庭還順道給兒子進行活動教學，他說：「雖然阿仔重細，對佢嚟講可能印象模糊，但我好想佢可以感受一吓呢啲氣氛。其實上次7.1大遊行，之後我都有同阿仔補習，畀番啲相佢睇，同佢講番猶太人嘅歷史，我亦有同阿仔解釋23條。」
問到張堅庭的訴求，他表示只是作為群體一部份，爭取《基本法》的權利，張堅庭說：「萬一通過咗23條會好危險，我都想像唔到有乜嘢反應。」
陳可辛和吳君如繼7.1大遊行後，兩人昨晚再參加燭光集會。陳可辛說：「7.1大遊行有超過五十萬人上街，係對政府唾棄嘅表現，成件事發生後，董生有冇反省吓？曾鈺成都有因為誤導巿民嘅言論公開道歉，但特首就一啲表示都冇。」陳可辛認為始終23條立法太過倉卒，要根據時間和細節去進行。
吳君如稱讚7.1大遊行的巿民是精英，大家都是去爭取自己的權益，她說：「我都係一樣，我想爭取自己權益，我都想喺香港生仔，然後將佢養大，我覺得政府高官如葉劉淑儀同梁錦松都應該落台。」吳君如自覺參加完7.1大遊行後，一夜之間整個人思想成熟了不少。
周星馳母親也是7.1大遊行的參與者，她透露兒子因為要拍戲，所以未能前來參加7.9集會，但周星馳會在心中支持。
本報記者