剛啱響上個周日，亞Mark曾經同大家披露過部三菱Grandis（即舊有SpaceWagon），全新豪華7人MPV嘅預售車價，標準版不過賣22萬幾，而頂級雙天窗版亦不過23萬多，家陣訂車只需畀多四千幾蚊，代理重幫你換裝埋全套皮椅，亞Mark聽聞外間反應非常好，至今經已收到二十多部定單㖭！查實，呢部全新Grandis七人車，可謂廠方銳意改革下，繼Colt之後另一款主打車，加上部車重有埋原廠頂級Sport-X包圍配套，以咁嘅價錢確實超值；再者，亞Mark至欣賞唔單止係佢三排多變座椅配搭，佢重沿用咗Colt一套至High-tech嘅ETACS裝置，就算忘記咗關窗鎖門，又或者熄車燈的話，嗰套智能系統都會一一替你辦妥。若然各位車迷想先睹為快的話，據知代理喺呢個周末，會響各間陳列室舉行Grandis新車預展，記得屆時落去睇吓喇！