用洗衣機洗衣服，省時省力，但梁婆婆親身感受到的，卻是另一種滋味。「好麻煩，每次開親洗衣機洗衫就搞到成地水，拖地都拖餐死，唔用嘅話，我就洗衫洗到手軟，都唔知點好。」已屆八十二歲高齡的梁婆婆一臉無奈地說。
大半生在工廠從事車衣女工的梁婆婆，丈夫逝世二十多年，一直與兒子相依為命。
可惜，梁婆婆這名獨生子患有精神病，退休後的梁婆婆只好依靠綜援金生活。「𠵱家社署話就話畀兩份綜援我兩母子，但個儍仔就唔肯畀番佢嗰份租金津貼我，搞到我要幫佢畀埋租，扣埋水、電雜費，我每個月實際得千一、二蚊使，真係好窮困。」
由於經濟拮据，梁婆婆平日極其節儉，而且多年來沒有更換家中的物品，那部已有十多年歷史的洗衣機已殘舊得無法發揮正常功能，她仍然捨不得丟棄。「我部洗衣機嘅出水位唔知有乜問題，近呢一年嚟，每次洗衫都流到成地梘粉水，一路洗就要一路拖，師傅睇過都話冇得整，最衰自己又鬼咁窮，冇本事買過部新，惟有繼續忍受住先。」
患有心絞痛及血壓高的梁婆婆，體力已大不如前，期盼熱心讀者伸出援手，助她添置一部新洗衣機，改善生活質素。
捐款編號：C1018
暖流熱線
電話：29908688
傳真：23702192
電郵：
網址：