近年，法國雷諾車廠先後推出多款新車，除LagunaⅡ、MeganeⅡ及VelSatis外，最近外國方面又有消息傳出，指廠方將會為旗下走城市小車路線嘅Twingo車系推出新款五門版，並會改稱為Twingospace，而且重有望於明年正式面世㖭！
從相片中可以睇到，全新Twingospace嘅造型設計，與當年曾在多個國際性車展上展出嘅Sesame概念車相近，尤其係車頭部份最能將呢個特點展露出來；另外，雖然新車並非用上趟門設計，但開啟幅度甚大嘅車門，卻能令車上乘客上落車時倍感方便容易，當然闊落車廂空間，亦會係新車賣點所在啦！
引擎亦有多個配搭供用家選擇，當中包括1.2公升（馬力75匹）、1.4公升（馬力98匹）外，重有一台1.6公升（115匹）引擎組合。未知新車推出時，香港一眾車迷能否與其見面呢？