最近有消息指陳冠希（Edison）和韓國女星宋慧喬，將於下月合作主演內地劇集，Edison因租住宋慧喬的豪宅而發展出一段情。另外，Edison表示會紋身、夾Band及玩hiphop。
最近有消息指內地製作人謝文程，有意開拍改編自韓國漫畫的內地劇《浪漫滿屋》，劇中男女主角屬意Edison和宋慧喬。該劇將有三十集，並計劃下月在上海開拍。
該劇的故事講述一名少女繼承親戚一間豪宅，她把它出租予一名當紅的天王巨星後，兩人的戀情於是展開。謝文程覺得劇中的女主角是為宋慧喬度身訂做，而天王巨星一角由Edison演繹最為適合。
記者昨日致電Edison的經理人公司「紅館」的負責人管小姐求證此事，她說：「我承認有內地劇搵緊佢拍，佢係同宋慧喬合作，Edison都睇過劇本，佢對故事大綱好有興趣，接唔接拍要睇吓度唔度到期。」
此外，昨日在泰國拍攝港姐外景的Edison，對於當地的街頭紋身甚感興趣，他說：「我剛入行嗰時都有諗過紋身，不過經理人公司唔畀。不過美國紋身好平常，遲啲我都會考慮紋英文字，因為我遲啲會組一隊hiphop，我會紋個隊名上去。」
採訪：陳月媚