雖然𠵱家校啱時間去睇戲都已經平咗好多，用埋指定信用卡重可以有九折、甚至八折嘅優惠，不過平極都要30、40蚊一張飛，兩個人去睇都唔可以話係低消費。但係除咗信用卡之外，用手機都一樣有優惠，不過當然唔係Show你個手機型號，而係Orange最新推出「#3222電影着數Coupon」，只要下載M-CouponSMS，再去指定地點就可以免費換兩張戲飛，而下載費用只係$20，換句話說就係$20兩張飛，真係抵過買VCD。而且全部都係新上畫，甚至未上畫嘅電影，《火遮眼》、《未來戰士3》、《人妖打排球2》全部都喺名單之中，每個用戶最多可以Download四次，𠵱家天時暑熱，正係睇戲嘅好時候。
記者：劉耀祥
Orange查詢：21211228