「大仔開始放暑假，佢呢排都成日出咗去搵暑期工，希望賺番啲零用錢，不過搵咗十幾份都冇消息。」四十九歲單親婦阿英歎道。「佢平時重慳過我，啲衫穿晒窿都照着返學，對鞋着到爛晒就用膠水黐完又黐，要我夾硬幫佢丟咗去佢先肯買，屋企咁嘅環境，冇辦法啦。」其二十四歲長子阿倫現就讀大專經濟系。
阿英前年與前夫分居，惟因經濟困難，分居後仍一直與他同住。直至今年二月，她與兩名十二歲及二十四歲兒子獲房屋署恩恤編配公屋單位，三母子終可重過新生活。然而，阿英體弱多病，曾患急性腎衰竭，原職家務助理的她難以再做粗重工作，一度只以傷殘津貼過活。
蘋果日報慈善基金月前撥款八千元予阿英應付難關，近日另將善長捐款合共四千八百元交予她簽收。另外，她獲善長捐贈一部簇新洗衣機，終可棄掉家中那部漏水的「老爺機」。「呢部洗衣機好啱用，夠晒大部，啲衫可以一次過儲埋三、四日先洗。以前喺街執番嚟嗰啲都用唔到。」阿英笑說。
近日她與幼子已獲社會福利署發放綜援金，她表示生活總算不過不失。「社署話我大仔過咗十八歲，雖然讀緊書，但都冇得攞綜援，𠵱家連埋租金津貼，一個月有四千幾蚊，惟有慳慳哋。」
捐款編號：C0919
暖流熱線
電話：29908688
傳真：23702192
電郵：
網址：