少咗田北俊嘅行政會議噚日朝早開會，自然吸引大批傳媒採訪。會議完畢，政務司司長曾蔭權出現時，一眾行家蜂擁而上「扑咪」，喺混亂中，曾司長嘅頭唔知俾邊個行家個咪扑中，由「扑咪」變咗「扑頭」，佢即時面黑黑。
喺現場嘅新聞處首席新聞主任（新聞媒介服務）湯應麟，可能因為護主心切，事後捉住「疑兇」──港台嘅實習女記者訓示一番。個女實習可能入世未深，加上湯應麟又真係好鬼嚴厲，終於都忍唔住流下眼淚。小妹妹都係落力採訪啫，今次只係無心之失，曾司長都無出聲，湯應麟你就算啦。
（圖）港台嘅實習女記者（左）俾湯應麟訓示完後，忍唔住淚灑當場。
馬泉崇攝
傳真︰2623-9278
電郵︰