當一眾八卦人四處打探究竟自由黨黨魁田北俊點解咁醒，邊位高人喺佢後面發功時，八方忽然收到愛國人士來電，話「高人」八方都識，佢係老共產黨員，當年在港做地下黨員，熟悉延安精神，明白乜嘢叫做以國為本，以民為本。
重估唔到？佢同田家有好深遠關係，當年救過田北俊嘅阿爸田元灝，助田家度過八○年代初嘅經濟困境，而且上通天庭。
啊！莫非又係佢？莫非又係前新華社副社長李儲文？
回歸前，每次香港有大件事，八方都聽到中央已經派人來收料，此人就是江澤民之謀臣李儲文。呢位個子高高嘅中共地下黨員長期喺上海工作，解放後先揭開其身份；駐港期間，同香港嘅政經界人士稔熟，佢同社長許家屯當時都出手救過唔少華資商人。曾幾何時，呢位神秘莫測嘅人物又以上海市政府顧問身份出席公開活動，包括幾年前《大公報》上海辦事處喬遷招待會。但近年佢健康轉差，似不應再活躍。
報料人講到似層層，田少都係上海幫，自己人幫自己人一啲都唔奇，何況田少今次不單止幫咗自由黨，亦幫咗香港，幫咗老董。
你估十萬人圍住立法會，老董懂得解圍嗎？
聽講江握手人在上海，佢會完全不理香港嗎？
傳真︰2623-9278
電郵︰