樣子和個性有點像「鬼妹仔」的Stephanie，原來是在挪威出生及接受教育，她於五年多前決定回港「尋根」。她憶述：「細個試過同家人返嚟香港度假，住咗一段短時間就已鍾意咗香港嘅生活。到我讀完中學，就想放一年假，試下留喺香港生活；既然定咗回流，重決定喺香港讀書，就係咁樣，同家人一齊返嚟自己嘅家鄉——香港生活。」
前年在城大畢業的她說：「習慣了香港這樣熱鬧及方便嘅生活後，就會覺得挪威嘅生活好悶，好似早兩年返挪威度假同探朋友，見到條街啲舖頭五點鐘已收舖周圍都冇晒人；見番啲同學同朋友，好多已經結咗婚大咗肚，我就諗實在唔想咁樣生活，便決心留在香港發展。」
Stephanie表示，家人早在七十年代已移民挪威開餐館，自己亦在當地成長及接受教育，只是由始至終都覺得自己是香港人，她說：「香港始終是我同屋企人嘅家鄉，而親人都係晒呢度，我覺得返香港生活相當正常。而我已經開始讀普通話，一來學咗之後會幫到日常工作，另外，亦想學番好啲中文。」