田北俊上京，最終成為大贏家；李國寶亦有上京，佢雖然冇田少咁威，但係都好得人鍾意。好似佢今次面聖畀意見，話到明乜都會照講，重話唔擔心23條立法損害投資環境，只擔心損害資訊自由。咁識講說話，有乜法子唔冧到傳媒視佢為英雄？
大家如果好記性，應該記得寶Baby曾經俾狗仔隊追到去外國，踢爆佢同廖小姐一齊玩，重連佢擺對鞋喺房門口嘅相都登埋。呢單嘢搞足成個禮拜，幾乎家變。照計李國寶應該好唔鍾意傳媒，甚至會好似有啲人咁成日想搞封殺。但係佢就最緊張資訊自由。
事關寶Baby真係敢言，報紙雜誌寫佢負面消息，佢亦絕冇發惡告人，抵佢受人尊敬，連北大人都識英雄重英雄。
（圖）寶哥哥對傳媒可算係不念舊惡。
傳真︰2623-9278
電郵︰