早排，汽車首次登記稅未修訂前，令唔少豪華轎車或超級跑車嘅代理商，未肯落實新車到港與否；惟雨過天清後，新車抵港消息接連出現。繼奧迪A8、平治Maybach後，曾令唔少商賈名人雀躍不已嘅林寶堅尼Gallardo，定價回落至250萬後，代理嘉信汽車計劃響作世界巡迴展嘅Gallardo示樣車，喺今個周末到港後，下周會搞個新車Pre-launch。呢部以一台5.0公升V10新偈，輸出達500匹嘅「Baby林寶」，無論造型、性能及操控，均有着一貫林寶堅尼跑車嘅個性，委實不難找到一班鍾情嘅Fans捧場㗎！有興趣嘅車迷，下星期就真係要拭目以待喇！