八方噚日同統領香港美國友邦保險八千從業員嘅主席謝仕榮食晏，佢非常高興，因為剛獲選為全球保險名人堂成員，而且係首位獲此殊榮嘅華人。
佢解釋，全球保險名人堂一九五七年創立，由贊助機構國際保險學會千幾名會員，每年投票選出得主；迄今共有來自二十個國家嘅一百零八位得主。由於投票者多數係歐美大公司總裁，亞洲人當選比例相當低，今次佢喺九位對手中，與另一位墨西哥同業齊齊當選，真係華人之光。
謝仕榮六一年加入友邦母公司美國國際集團（AIG），做咗四十二年，貴為集團高級副主席暨聯席營運總監，係美國大型上市公司內最高級華人，夠晒資格。
傳真︰2623-9278
電郵︰