捱過了一段艱苦日子，淘大花園跟大家一樣，都要開展新的生活，今日帶大家逛一逛淘大商場四間食肆，韓式美食、咖喱、粥品、健康小食任你揀。
記者：何善華 攝影：周旭文
沙士已過，淘大商場的食肆亦回復正常運作，加上商場大力推廣消費優惠，大家係時候去吓搵好嘢食嘞！以下介紹的四間食肆，各有特色，得閒不妨逐間去試吓。
「少油不膩」的口味深受香港人鍾愛，這間於今年年頭才開設的食店，以健康清新及大眾化新潮的京滬小食為主要賣點，店內大多數食物均經過專門調味，將傳統的中國民村美食和新飲食文化共冶一爐。食店格局以白色為主，給食客一種簡樸及乾淨的感覺，而且環境寬敞，空間感很大。
鍋貼外皮以菠菜攪拌後再用麵粉撈，材料用上雜菜及瘦肉，以盡量減低食物本身的卡路里，香而不膩。
一道非常健康的地方小菜，用鮮冬菇、金菇、百合花、芽菜等材料炮製而成。當中的芽菜具極高嘅纖維質，而處理百合花的過程亦非常繁複，特別註明這道菜式是「三無」──無油、無味精、無調味劑，絕對是低卡路里，啱晒注重健康生活嘅人士。
有「水果茶」之稱的桂圓茶有醒神作用，清淡又覺甘甜。另一杯用上民間草本植物調配而成的「紫貝天葵」與「利賓納」差不多，甜酸適中，有清腸去毒功效。
茶軒小皿料理
地址：淘大商場第3期266-267及268-270號舖
電話：21808601
營業時間：11:00am-11:00pm
在U座附近開設了兩間餐廳的Martin，相信最能明白「重建家園」的感受。「（當日）封咗條路又唔俾我哋入去，話如果一入返去間餐廳就唔好出返嚟。每日都係得嗰幾十蚊生意，其間又停業了超過一個月，有段時間真係諗過將這間經營了8年的餐廳結業，如果唔係再咁蝕落去都唔係辦法。」好彩，Martin終於等到今日，絕對係山窮水盡疑無路，柳暗花明又一村。
香嫩的雞扒石頭鍋飯，是韓國的地道美食。非典過後，韓國食品風潮亦席捲本港，相傳韓式小吃「辣泡菜」有抗炎作用。雞扒石頭鍋飯配以辣泡菜同吃，惹味非常。不少食客均抱着「寧可信其有，不可信其無」的心態去品嘗這道美食，但求心安理得！
另一款韓式口味的食物。顧名思義，「辛辣拉麵」當然是辣字當頭，以「辣」攻「辣」就最好不過。但用上韓式羊肉後卻出奇地辟去了不少辣味，香味溢出，對辣味有抗拒的食客亦可放心品嘗。
Martin特別從澳洲入口一部火巖石炭燒爐，能以極短時間內用高溫烤熟漢堡扒，令漢堡扒本身的肉汁及水份不致蒸發而流失，配以日式秋刀魚及魷魚圈，陣容鼎盛，包飽肚。
加勒比海燒烤餐廳
地址：淘大商場第1期92-95號地下
電話：27988754
營業時間：7:00am-12:00pm
與U座只得咫尺距離的「金加利咖喱餐廳」，亦是Martin在淘大花園開設的的屋邨茶餐廳。這裏的「招牌菜」，當然就係咖喱啦！
食咖喱趕走病菌，似乎是天方夜譚！但這裏的咖喱豬扒飯卻禁不住令人垂涎。因為咖喱豬扒是即叫即煎的，新鮮程度一流。
金加利咖喱餐廳
地址：淘大商場第1期137-139號地下
電話：27547638
營業時間：7:00am-12:00pm
想試番啲清淡點的口味，傳統的明火白粥當然是至佳不二之選。負責人林友新表示，「沙士」期間的生意額下跌近九成，但仍然堅持每天都照常營業。林生介紹了兩碗較健康少油的粥類及一碟粟米腸粉，少油少味精，真係夠晒反璞歸真。
呢碗粥，用上魚身最少脂肪那部份製成，爽口多肉，再加上一碟食素專用的粟米粒腸粉，鮮甜香口，實行徹底地清吓腸胃。
「做粥易，做好粥難」，煮粥最多的技巧就是掌握火候夠準繩，這味鯪魚球粥配以生菜混合，鯪魚球粒粒夠大，睇見都想食！
林泰興粥店
地址：牛頭角下邨9座13-14號
電話：22792674
營業時間：6:00am-1:00am