Stephanie擔任健身教練經驗多年，曾指導不少女士keepfit之道，而這位即將擔任Niketrainer的著名健身教練指出，如女士想靚得健美，主要有幾個要點，就是運動、健身及注意飲食。
「好多女仔都好怕郁動，但要健康，運動唔可以少，最低限度要經常行路，例如可以少啲搭電梯。初做運動最好搵朋友陪同；而參加瑜伽、太極同單車班等，有助找到更多運動嘅樂趣。」
「好多女士都驚玩器械會令手腳變粗，其實一般女士去練並唔會突然變到成身肌肉，只會令身體更結實同標準，而想減肥嘅朋友亦可嘗試建立更多肌肉，這樣可加快收身嘅速度。」
「好多人以為單做運動已經可以瘦身，其實如果唔注意日常飲食習慣，可說前功盡廢。記住，夜晚唔好食得太飽，當然重要多休息。」
泰拳：每星期2次，每次2小時
健身：每星期2次，每次2小時
游水：每星期2至3次，每次30分鐘
伸展動作：每星期3至4次
「唔少人初初做運動時會好認真，一開始連續幾日跑一個鐘頭，搞到自己周身痛，咁樣好容易令人失咗做運動嘅動力；所以初初可以一星期做兩、三次，或者搵朋友一齊去，這樣可令自己更有興趣繼續做落去。」
早餐：麥片、麵包、牛奶/益力多
午餐：飯、瘦雞肉
下午茶：果汁、飲品
晚餐：飯、菜
「其實早餐與午餐可食得比較豐富點，例如可食多啲提供能量嘅澱粉質嘅食物，因為有足夠嘅時間消耗；至於晚餐因就快瞓覺需要嘅能量少咗，所以唔應該食得太豐富，應食多啲些菜並且要減少食澱粉質食物，以免澱粉質因未完全消耗而變成脂肪。」