梁朝偉昨日出席在觀塘舉行的《仙巴之七海遊踪》記者會，對於政府延遲23條立法，偉仔表示自己是政治白癡，所以沒有甚麼意見。
偉仔上月二十七日生日，不過他自言沒有慶祝，因今年不是慶祝的好時機，偉仔說：「唔止23條，𠵱家好多人冇嘢做，大家為咗前途而迷茫，生日唔值得大事慶祝，我希望香港可以好番啲。」
偉仔原本預了五日替《仙》片配音，最後兩日已經完成，他說：「我今日嚟係想睇番套戲，睇吓自己配成點。酬勞ＯK啦，我唔係為咗錢接呢個工作。」偉仔表示下月會拍攝《無間道Ⅲ終極無間》，而《2046》亦在拍攝當中，時間頗為緊迫，偉仔說：「我唔想好似拍《行運超人》嗰陣咁，要一路配音一路拍戲。」
對於《無》片將在日本過百間戲院上映，並對撼《英雄》，偉仔說：「乜咁冒險呀！如果有機會我都想去日本做宣傳，自從《花樣年華》之後，我都未去過日本宣傳。」採訪：魯萍
攝影：黃文成