生果入饌，清新開胃，簡單如菠蘿牛肉或檸檬雞丁等家常菜，足以令你食指大動，要是變身精緻的酒店西餐，一定更索更吸引……但你我都無本事頻頻到酒店開餐喎！咁就要的起心肝，跟經驗豐富的星級酒店西廚，學煮番兩道似樣的生果西菜嘞。菜式烹調方法簡單，就算家中廚房「架生」有限，只要留心廚師醒你的煮食貼士，在家也可煮出似模似樣的酒店西菜。
記者：楊一凡攝影：周旭文
鳴謝：香港日航酒店
大家都知道水果的烹調時間不可過長，一來易出水，二來鮮味流失，但是不煮耐一點，又不入味，咁點算好？Andy笑笑說：「其實可以一半榨汁，另一半切粒裝飾用，果汁容易滲入肉塊及配菜當中，吃時倍覺入味，裝飾用的果肉粒保留原汁原形之餘，令菜式賣相充滿生氣，一舉兩得。」另外亦可考慮以生熟水果混合煮汁，讓醬汁酸甜得來夠自然。
‧水果大部份都係味道清淡，所以配合肉類多以白肉為主；
‧濃味如牛肉，不妨伴味道帶酸的生果如柑橘之類；
‧風乾火腿味道偏鹹，可配甜到漏的無花果；
‧鴨肉味濃可跟黃梅同煮；
‧芒果跟蟹或蝦都是完美組合；
‧吃魚伴大黃，酸味可誘出肉的鮮甜；
‧羊肉因味道太濃，亦偏油膩，基本上跟生果不太合拍。
周蔭庭師傅Andy自小很愛亦很會吃，中學畢業後到酒店學廚，由始至終都專注西菜烹調。Andy入行二十幾年，經常代表香港到新加坡、瑞士及德國等地，參加國際性的烹飪比賽，並多次獲獎；Andy除了在本地的星級酒店打工以外，亦曾效力北京建國飯店；現職酒店助理行政總廚的Andy，最愛以新鮮的時令材料，配合各國香料及醬汁，炮製出既迎合香港人口味，賣相精緻兼且配搭新穎的菜式。
乍聽生果二字，感覺已涼快了一截，再睇埋製作過程，嘿，從頭至尾都爐火不沾，煮得涼快，心都涼晒！記者很好奇為甚麼要用上百爵紅茶EarlGreyTea呢？大廚解釋：「EarlGreyTea可以帶出芒果的鮮甜味，讓芒果湯的味道跟芒果汁有別，另外果肉混合了雞湯，沖淡了甜味，適量的蜜糖可帶出芒果的清甜。」
用咩料：
菲律賓芒果 2個(一個皮帶青色較生，另一較熟)
雞湯 100毫升
百爵紅茶 50毫升
蜜糖 30克
阿拉斯加蟹肉 20克
鹽 少許
好易煮：
大黃盛產於歐洲和澳洲，外形像西芹，我們是吃它的莖部，成熟的大黃外表呈紫紅色，但味道仍是酸到痹，西方人最愛用大黃做甜批或果醬，只要加入大量砂糖同煮，就能做出酸甜的果批。若以大黃入饌就不宜煮得甜，最理想是跟湯汁同煮，搭配淡味的肉類，讓酸味的大黃誘發肉的鮮味。
用咩料：
主菜
銀鱈魚 300克
鹽、胡椒粉 少許
配菜
紅番茄 1個
黃番茄 1個
新薯 2粒
蘆笋 6條
醬汁
大黃 150克
白酒 50毫升
魚湯/水 100毫升
雞湯 100毫升
鮮忌廉 30毫升
檸檬 少許
白糖 少許
好易煮：