近期，外國車壇湧現不少關於德國寶馬車廠嘅消息，除日前為大家報道過嘅Facelifted新版X5外，日前又有消息指出，廠方正研製全新Z4MRoadster開篷跑車，並有望於明年舉行嘅底特律車展中亮相。
從外觀而言，新款Z4MRoadster開篷跑車與現有普通版本相近，但當細心留意下，定能察覺到四輪跑車合金胎軨用上新設計，襯以全車跑車包圍，一派高性能開篷跑車形象，可謂徹底地展示出來；車廂設備配搭亦甚具跑味，不但承托力甚高嘅跑車座椅為必備「設施」外，當然唔少得重有跑車軚環、腳踏等等，但仍有待廠方公布有關資料後，方可作實。該消息又指出，廠方會為新車裝上一台V8引擎，馬力輸出動輒高達350匹，性能表現可謂十分出色。
若然你係寶馬Fans的話，就要留意新車確實推出日期喇！