銀幕上的楊思琦，的骰嬌小，最初以為她定是貪靚才拚命減肥，真相卻是她天生屬瘦削一族，最肥只係107磅，所以根本不用減。不過佢話後天的保養才是最重要，而且方法亦非常簡單，就水樽都可用來當啞呤。「每日用5分鐘做任何運動，持續做兼有耐性一定見效！」
記者：羅惠芬
攝影：陳偉強、陳智良
化妝：Polly
服裝提供：Seibu、Azonaa02
思琦話最滿意自己一雙肉臂夠幼細、有線條，尤其夏天穿背心上街，自信十足。想擁有如她一樣的靚手臂，不妨跟思琦練習水樽瘦臂法，有助雙臂更幼更結實！
身高5呎4吋的楊思琦，現時只有90磅，令人羨慕。問佢Keepfit之道，原來都唔係太難：每晚臨瞓前，只用5分鐘做運動，日久就會見效。但很多女仔都會欠缺恒心，思琦就教路：「每晚玩不同運動，例如呼拉圈、Sit-up、舉水樽、柔軟體操等就唔怕悶。」
此外，思琦話自己好鍾意食雪糕，不過入行後因為怕肥，已經以乳酪代替，雖然無咁滋味，但為咗要靚，惟有犧牲吓啦！
思琦最近經常拍外景，每日要同陽光搏鬥，終於皮膚一天黑過一天，所以佢現時最關心的，就是美白問題。
「一白遮三醜，我𠵱家日日敷美白面膜，拍劇會用SPF50度以上的防曬用品，希望可以白番啦！」
至於DIY的護膚方法，她推介青瓜敷眼和蛋白蜜糖面膜：「兩種方法都有收緊作用，價錢平又唔難做，我好鍾意。」
事前會將青瓜放入雪櫃，「敷眼時涼浸浸，眼袋都收緊埋。」
所謂十八無醜婦，所以思琦平時好少化妝，最多都係化個淡妝見人，力保青春。不過佢話就算只搽唇彩，回家後都要用卸妝油徹底清潔，否則皮膚好易變差。
查詢：
Olay 25829302
Nature's 28828512
唐安麒 27934328