早前，亞Mark曾經同大家披露過，話代理德國平治汽車嘅仁孚行，正有計劃爭奪韓國現代汽車（Hyundai）嘅代理權；當中，平治跟現代嘅關係更係千絲萬縷，會否因為呢個緣故，平治廠方有意促成仁孚行取得代理權呢？亞Mark暫且未有答案。之不過，早前聽聞仁孚行會派出高層要員到南韓一趟，原來當事人正係現任Sales&MarketingDirector嘅MichaelLee，究竟佢此行是否成功？相信要等到年尾、甚至係明年初一切有定案後，才會有正式公布；之不過亞Mark聽番嚟嘅消息，係話南韓現代廠方感到仁孚行有頗高誠意，加上佢哋代理開平治咁有「食力」，大抵都會勝算在望啦！