陳慧嫻前晚在紅館舉行尾場個唱，邀請張學友擔任嘉賓，沒料到學友一出場即抱起着裙子的她，令她險些春光乍洩。名花有主的陳慧嫻又頻頻拿麥浚龍（Juno）開玩笑，戲言若請Juno做嘉賓，怕被對方搶風頭。
陳慧嫻一連兩晚在紅館舉行的「陳慧嫻珍演唱會」，前晚圓滿結束。張學友擔任表演嘉賓，一出場即抱起她，嚇得她花容失色。
陳慧嫻繼大前晚在台上向男友謝國麟醫生發表愛的宣言後，前晚又頻頻拿麥浚龍來開玩笑。
陳慧嫻問台下一位男fans喜不喜歡她時，台下fans表示喜歡，但陳慧嫻卻說：「你最鍾意我？最衰我名花有主啦！你外形咁似Juno，我都好鍾意Juno㗎，最衰我大佢咁多啦，不過，𠵱家興姊弟戀，可惜我唔係叫阿菲（王菲）啦！」
之後陳慧嫻獻唱《紅茶館》，在獨白時，她開始滔滔不絕大談Juno：「其實Juno都幾好吖，點解冇人鍾意佢？可能有人鍾意，你唔知呢！」陳慧嫻請嘉賓上台時，fans即大喊Juno名字，但她卻笑說：「唔係Juno，Juno留番畀陳少寶啦，學陳奕迅話齋，容乜易俾佢（Juno）搶咗我塊鏡㗎！」
擔任嘉賓的學友甫出場，即抱起穿裙子的陳慧嫻，嚇得她呱呱大叫：「做乜啫，俾人睇晒啦！」記者在慶功宴上問陳慧嫻為何頻頻提起Juno？她說：「講吓笑之嘛，我見『左麟右李』成日搵佢嚟講笑。我唔識Juno，只係曾經頒過獎畀佢，覺得佢都幾有禮貌吖！」
問陳慧嫻男友聽見她的愛的宣言後有何反應？她甜絲絲說：「佢話佢鍾意嗰個係我，唔係陳慧嫻，又同我講Iloveyou。」陳慧嫻更寄望謝醫生能成為她最後一個男人。
採訪：胡比 攝影：陳偉權
