二人女子組合Twins與2R前晚均有出席《勁歌季選》，當2R獻唱完畢落台時，現場竟傳來陣陣噓聲，有指噓聲乃Twins的歌迷發出。
2R接受訪問時卻表示聽不到有人喝倒采，她們說：「得獎咁開心，有都聽唔到啦，唔會影響心情。我哋啲fans好乖，如果佢哋咁對人，我哋會教佢。」
Twins的蔡卓妍（阿Sa）得悉此事後即說：「咁就要教訓吓！」鍾欣桐（阿嬌）卻說：「係咪我哋嘅fans先？唔好冤枉佢哋呀。因為現場有克勤同Eason嘅fans，如果有E-kids或者Cookies嘅fans，咁都可以話係佢哋啲fans做㗎啫！
「佢哋唱得幾好聽吖，我哋啲fans一直好有禮貌，反而成日俾人蝦就真！」