牛棚書院院長梁文道最近唔單止有高就，去咗商業電台做一台台長，前晚重開咪講文化節目。據商台中人形容，咁冇商業價值之小眾節目，喺商業電台攞到時段出街，認真唔容易，算係突破。
既然咁罕有，八方就捧吓場，節目叫做《打書釘》，幾個人一齊講吓讀書心得，非常文藝。
佢哋當晚特別介紹《走向共和》一書，剛好香港就二十三條起紛爭，民間對政府嘅管治有極大不滿，呢本書嘅內容都好啱feel。「不讀書，無以言」，呢類節目，雖然冷門，但係都值得支持嘅！
至於梁文道點解咁醒搵到個好位，聽講話因為營運總裁蔡東豪獨具慧眼，梁文道點都要幫吓手啦。
傳真︰2623-9278
電郵︰