長江後浪推前浪，現今大專生的口才更勝立法會議員。香港電台噚日舉行大專辯論賽四強決戰，議題係「合法遊行示威有助香港社會發展」，由正方嘅城市大學對反方浸會大學。經過個半鐘激鬥後，城大險勝。
有份做評判嘅前綫立法會議員劉慧卿同八方講，𠵱家啲後生仔口才好好，反應又快，好過好多立會議員。佢話，前屆立會有個議員，無論問問題抑或發表意見，都係照稿讀，一啲口才都冇。話說有次嗰位議員嘅助理好細心提老闆飲水，喺講稿上寫「飲啖水先」，點知個議員都照讀可也，認真羞家。劉慧卿重話，嗰位議員𠵱家冇喺議事堂工作，唔知大家估唔估到係邊個呢。
傳真︰2623-9278
電郵︰