梁詠琪（GiGi）、麥浚龍、方力申及MiniCookies等，昨日到鑽石山出席「2003齊齊做選民音樂尊享會」。
GiGi表示近日的社會新聞有如連續劇一樣，相當精采，她說：「7.9我一樣會默默支持表達立場嘅人，希望大家唔好咁激進，我對7.1好驕傲，啲人有秩序又咁齊心，希望7.9啲人都斯文啲，唔好影衰香港人。」
問GiGi是否贊成23條延遲立法，她說：「延遲都好，畀多啲時間大家了解，我建議政府搞個特備節目，好似教育電視咁，話畀市民知23條立法之後，有乜係大家繼續有，有乜係冇咗嘅。」GiGi亦十分欣賞黃貫中以市民身份低調遊行，而不是為了曝光。
此外，麥浚龍被問到可有與父親傾談有華仔fans發起「反龍行動」的問題時，他說：「我有同爸爸食飯，但冇傾過，都唔嚴重，我想件事告一段落。」
採訪：李珮洳
攝影：何永寧
