即將於今個月底正式登場嘅全新Grandis（即原來SpaceWagon），代理率先披露咗新車嘅定價；頂級雙天窗版售$236,800，而標準版售價為$229,800，較同級對手更見競爭力之餘，屬頂級Sport-X型號嘅新Grandis，既有齊全車動感包圍同尾定翼，又有原廠HID大燈連高聚焦霧燈，還有四輪17吋跑車合金胎軨，以及時款有型嘅門邊電鏡連指揮燈。
至於車廂三排七座位組合，既有高級音響，又有前後獨立恒溫冷氣，及各置有中央手枕。家陣改換全套皮椅，優惠價連稅都只不過畀多$4,688咋！然而，最受關注會係一台簇新2.4公升MIVEC偈，跟4前速半自動波INVECS-Ⅱ組合。當然少不了重有至先進High-tech嘅ETACS裝置㖭！家陣代理優先安排有興趣嘅買家試車，大家不妨到各大陳列室查詢吓喇！