全球限量生產不過399部嘅EnzoFerrari超級跑車，日前首部新車空運抵港，引來全城傳媒大肆報道。據知，呢部價值約500萬港元嘅超級跑車，原本香港配額僅得五部，及後經代理極力爭取下，才獲得九部配售。
被遴選為合資格嘅九名車主，雖然事前未見過真車，惟當車輛運抵本港前，須交付兩筆定金，及至交車前要將餘額付清。然而，呢部限量生產嘅EnzoFerrari。現今暗盤二手叫價，經已飆升至約90萬美元，可會是另類保值投資呢！
為要給車主有愜意乘坐，廠方早前更透過各家代理商，安排一班車主前赴意大利，度身訂做跑車桶椅，以及腳踏角度嘅要求；而據傳係首位EnzoFerrari車主嘅著名車手關兆昌，日前跟友人到陳列室睇車時，更親自試駕一番㖭！而嚟緊7月25日（星期五），代理重會假座九龍半島酒店，舉行EnzoFerrari大型發布會，屆時九名車主重會被邀出席。究竟郭富城、馬清揚等人會否係準車主之一？大家不妨拭目以待喇！