「𠵱家呢度雖然交通唔算方便，不過地方大好多，我最鍾意廚房夠大，可以用嚟放雜物。」月前獲房屋署協助調遷的二十四歲單親少婦阿倩說。其六歲女兒阿璇亦調皮地說：「我都鍾意新屋，大啲同埋靚啲，夠地方畀我玩呼拉圈。」
以往任職售貨員的阿倩，年前與男友未婚懷孕，其間兩人感情生變，女兒出世後由她獨力照顧，母女現靠綜援金維生，原居於將軍澳。阿倩有見父母年事已高，兼且體弱多病，故欲搬近兩老一點，方便互相照應，遂向房屋署申請調遷，早前獲批。
「𠵱家我同阿爸阿媽見得多咗，真係同以前好大分別，大家關係親密咗，有時我上去都會幫佢哋買定啲食物，等佢哋唔使咁頻撲。」阿倩說。
蘋果日報慈善基金早前撥款八千元助阿倩作搬遷之用，近日另把收到的善長捐款合共三千七百元交予她簽收，阿倩坦言捐款來得及時。「個女九月升小學，要交九百幾蚊書簿雜費同埋做校服，好彩𠵱家有呢筆錢。」阿倩表示，她十分感激一班素未謀面的善長，她稱如若將來環境許可，她會盡己所能回饋社會。 捐款編號：C0905
暖流熱線
電話:29908688
傳真:23702192
電郵:
網址：