近日再度攀上事業高峯嘅狄美摩亞，好多人都讚佢計準天時地利，拍完《神探俏嬌娃2指環密令》之後，又同細佢好多年嘅艾斯頓古查（AshtonKutcher）拍拖，大做話題，搞到𠵱家大把人搶住搵佢拍戲，而佢重好有機會接拍《凸務之王》嘅最新一集。不過同時又有報道話，狄美同艾斯頓都睇怕係時候分手，因為雙方都已經唔使再靠對方幫手造新聞谷人氣。