香水品牌Kenzo前晚在中環Queen'sDisco舉行派對，吸引不少女星、名模到場。林嘉欣與盧巧音結伴出席，盧巧音表示沒有送古龍水給舊愛謝霆鋒，但卻深深感受過對方的體味。
香水品牌Kenzo推出全新L'eauparKenzo香水新系列，前晚在中環Queen'sDisco舉行大型派對，名模AnaR.、周汶錡、盧巧音和林嘉欣等盛裝赴會。
林嘉欣與盧巧音結伴出席派對，盧巧音透露自小愛儲香水辦，其後因搬屋將珍藏轉贈胞姊，她自問不是體味濃烈之人，但愛塗香水，她說：「我鍾意啲花香、好清新嘅果味。」問她可覺香水有助提升吸引力？她說：「冇喎，反而係自信囉，好似底衫褲咁，靚喱士花邊都係着嚟令自己開心，唔係畀人睇㗎。」
盧巧音又表示從沒有送古龍水給男性的習慣，包括舊愛謝霆鋒，她說：「佢都唔貪靚嘅，如果唔係，都唔會日日着同一件衫啦！我睇報紙見佢成日都冇換衫嘅。佢有冇古龍水味？冇，汗味就有！」記者反問盧巧音霆鋒豈非甚有男人味？盧巧音即說：「係呀！」
盧巧音和林嘉欣更親切地攬作一團拍照，只見林嘉欣明顯增磅，凸顯腰間粗線條，一對肥美麒麟臂更重現。
林嘉欣大談曾在片場受臭汗侵襲之苦，她說：「我都係大汗嘅人，所以出街同拍戲都長期帶住香水，拍戲耐都會噴多啲。不過，試過有時喺片場，好多男工作人員做嘢，因為收音、打燈要熄晒冷氣，好熱，拍到人人出晒汗，我拍完即刻要逃離現場，唞一唞氣。」
採訪：RitaLeung
攝影：ChanChiLam
